Arredor de si

Publicada en 1930, cando o seu autor tiña 42 anos, pódese considerar a biografía espiritual dos homes da Xeración Nós. O seu protagonista, Adrián Solovio, é un dos personaxes que xa figuran no patrimonio literario galego. A súa historia é a da procura da identidade, a da descuberta do que representa Galicia como realidade con carácter e existencia de seu. Rexa, ben construída, cunha prosa efectiva que transmite ao lector unha gran capacidade para visualizar a narración a través dun estilo directo, de frase curta, Arredor de si conseguiu situar a novela galega na vangarda da época. Esta é a novela dos homes da Xeneración “Nós”. O seu protagonista, Adrián Solovio, pode ser o propio Otero Pedrayo. Pero tamén pode ser Vicente Risco ou Florentino L. Cuevillas. Ten algo de todos eles, de cando andaban perdidos pola vastedade sin fronteiras dun universalismo desencarnado. E sigue sendo un trasunto de aqueles inquietos mozos ourensáns dos primeiros anos do século, cando despois dunha longa e desacougante peregrinación, como eles, acaba descubrindo a realidade espiritual e cultural de Galicia.